Deputetja e opozites Tabaku: Skema e pensioneve ka dështuar, duhet një reformë e thellë

Ekonomi | 2 vite më parë

Deputetja e Partisë Demokratike në opozitë, Jorida Tabaku nëpërmjet një postimi në rrjetet sociale shkruan se skema e pensioneve në Shqipëri ka dështuar dhe se duhet një reformë e thellë për ta bërë atë evektive.

Sipas zonjës Tabaku në Shqipëri, 700.000 pensionistë varen nga pensionet, të cilët mund të quhen më tepër lëmosha, sesa një pension i drejtë për punën e tyre në shërbim të vendit.

Tabaku theksoi se numri i pensionistëve është 30% e popullsisë, duke e cilësuar si një nga raportet më të larta në rajon. 

Tabaku u shpreh se reforma e pensioneve në 2015 e ndërmarrë nga qeveria Rama, ishte një skemë e dështuar, që nuk i ofron një jetë me dinjitet kësaj kategorie.

Deputetja e PD theksoi se modeli ekonomik i zgjedhur nga qeveria është një nga arsyet kryesore për këtë situatë. Sipas saj, modeli ekonomik aktual nuk po krijon bazën e nevojshme për të mbështetur një skemë pensionesh të qëndrueshme dhe të shëndetshme.

“Duke qenë se sot rritja e pagave bëhet me telekomandë dhe jo sipas nevojave që ka tregu dhe biznesi, sot reforma e pensioneve ndodhet në një pikëpyetje të madhe” u shpreh Tabaku.

Deputetja e Partisë Demokratike në opozitë, Jorida Tabakuu shpreh se nevojitet një reformë e thellë e sistemit të pensioneve, e cila të bazohet në një model ekonomik që promovon rritjen dhe ndihmon biznesin të krijojë më shumë vende pune.

/ rtsh.al /


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme