Balluku-Salvini: Nxitje investimeve në energji dhe infrastrukturë

Shqipëria dhe Italia ranë dakord për nxitjen e investimeve në energji dhe infrastrukturë. Kjo u bë e ditur pas një kaimi të enjten në Romë mes zëvendëskryeministres Belinda Balluku, njëherësh ministre e Infrastrukturës dhe Energjisë me zëvendëskryeministrin dhe Ministrin e Infrastrukturës dhe Transporteve të Italisë, Matteo Salvini.
Balluku bëri të ditur se në takim u konfirmuan raportet e ngushta dhe miqësore mes dy qeverive, duke shprehur angazhimin e përbashkët për rritjen e bashkëpunimit në zhvillimin e investimeve në energji, infrastrukturë, si dhe programet e modernizimit të transportit në Shqipëri, veçanërisht në fushën detare dhe hekurudhore.
“Gjithashtu e njoha mbi ecurinë e projekteve lidhur me Korridorin VIII, dhe veçanërisht në ato hekurudhore, duke vendosur theksin se kjo vepër, së bashku me Korridorin Blu, janë thelbësore sa i takon turizmit, zinxhirëve të furnizimit dhe sigurisë së rajonit Adriatiko-Jonian në tërësi”, tha zonja Balluku.
Balluku u shpreh se këto projekte morën vlerësime edhe nga qeveria italiane, ndërsa nënvizoi se “Italia mbetet një nga partnerët tanë historik dhe mbështetja e tyre ndër vite ka qenë e pakursyer”.
/ rtsh.al /
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




