Korrja e grurit në Gjirokastër, prodhimi është i mbarë por mbetet problem mungesa e fuqisë punëtore

Ekonomi | 3 vite më parë

Fermerët e qarkut të Gjirokastrës kanë nisur korrjen e grurit. Ky është Klinton Beqari i cili këtë vit ka mbjellë 140 hektarë sipërfaqje me grurë.

Prodhimi sipas Klintonit është i kënaqshëm dhe ai e konsideron këtë vit si një vit të mbarë në prodhimtari.

Përpos punës që bejnë me familjen në bujqësi Klinton Beqari ka punësuar mbi 15 punëtorë sezonalë. Ai thotë se tregun e ka të sigurt dhe se menjëherë pas korrjes grurin do ta çojë për shitje.

Fermerët e Gjirokastrës po punojnë që sezonin e ardhshëm të sjellin mjete të sofistikuara dhe makineri për të zëvëndësuar fuqinë punëtore e cila në 6 bashkitë e qarkut mungon dhe është kthyer në një problem serioz.

Gazetar: Norel Zaimi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.