Ministrja e Infrastrukturës dhe Energjisë, Belinda Balluku ka theksuar se Shqipëria është kthyer në një vend tërheqës për kompanitë e mëdha për të investuar sidomos në sektorin e energjisë.

Në konferencën ndërkombëtare të prokurimeve të hapura publike dhe zbatimin e praktikave më të mira, Balluku sqaroi arsyet pse Shqipëria po përthith gjithnjë e më shumë investime është transparenca dhe shkurtimi i burokracive për investitorët si vendas dhe ato të huaj.

 “Shqipëria është kthyer në një vend tërheqës për kompanitë e mëdha për shkak të transparencës dhe shkurtimit së burokracive. Sektori më tërheqës për investime është ajo në fushën e energjisë dhe infrastrukturës. Kjo ndodh për shkak se ne kemi krijuar transparencë dhe siguri për kompanitë si dhe kemi shkurtuar burokracitë për investitorët”, tha Balluku.

Balluku foli edhe për ambiciet e qeverisë në rritjen e kapaciteteve të energjisë së rinovueshme deri në 2029.  Sektorin energjetik dhe infrastruktura mbeten sektorët më dinamik të ekonomisë së vendit.

/rtsh.al/