Shqipëria dhe Egjipti synojnë rritjen e bashkëpunimit në bujqësi

Ekonomi | 3 vite më parë

Shqipëria dhe Egjipti synojnë nënshkrimin e një marrëveshjeje bashkëpunimi në fushën e bujqësisë.

Lajmin e ka njoftuar ne rrjetet sociale Ministrja e Bujqësisë dhe Zhvillimit Rural Frida Krifca.

Ajo është takuar në Romë me ministrin e Furnizimit dhe Tregtisë së Brendshme në Egjipt, Ali Al-Moselhi.

Zonja Krifca ia ka shprehur ministrit egjiptian interesin për të zgjeruar eksportet bujqësore shqiptare, e posaçërisht drufrutorëve, drejt tregut egjiptian, por dhe më gjerë.

Ministrja bëri të ditur se të dy vendet po punojnë bashkarisht që së shpejti të nënshkruajnë një marrëveshje bashkëpunimi, e cila do të lehtësojë shkëmbimet tregtare bujqësore mes tyre.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.