OSSH: 1025 abonentë vendosin panele diellore, fuqia e instaluar arrin në 102 MW

Ekonomi | 4 vite më parë

Operatori i Sistemit të Shpërndarjes, ka njoftuar se 1025 abonentë kanë instaluar panele fotovoltaike, me qëllim vetëprodhimin e energjisë elektrike.

Sipas OSSH-së, fuqia totale e impianteve të instaluar arrin në 102 MW. Pjesa më e madhe e tyre janë vendosur në Tiranë dhe Durrës. Sipas shifrave panele kanë vendosur 627 konsumatorë, ose 59 përqind e instalimeve.

Sipas Entit Rregullator të Energjisë pjesa më e madhe e impianteve të lidhur me rrjetin iu përkasin bizneseve, që shfaqën interes të shtuar për vetëprodhimin e energjisë, pas nxjerrjes së tyre në tregun e liberalizuar në janar të vitit që shkoi.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.