Rriten sërish karburantet, nafta 2 lekë më shtrenjtë, benzina ngrihet me 3 lekë! Ulet gazi

Ekonomi | 4 vite më parë

Çmimet e naftës dhe benzinës janë rritur sërish ditën e sotme me vendim të Bordit të Transparencës. Nafta është rrtiur me 2 lekë dhe do të shitet me 210 lekë/litri, ndërsa benzina është rritur me 3 lekë ku do të shitet me 192 lekë/litri.

Ulje me 2 lekë ka pësuar gazi që do të shitet me 69 lekë/litri.

“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 192 lekë/litri, ndërsa i shitjes me shumicë jo më shumë se 180 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 116 lekë/litër”, thuhet në njoftimin e bordit.

Çmimet e caktuara nga Bordi do të hynë në fuqi në datë 25 Janar ora 18.00, dhe do të jenë të vlefshme deri në mbledhjen e ardhshme.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme