Aksident në aksin Elbasan-Peqin, përplasen automjetet. Plagosen 2 drejtuesit, jashtë rrezikut për jetën

Aktualitet | 4 vite më parë

Një aksident me pasojë plagosjen e dy personave ka ndodhur mbrëmjen e sotme në aksin rrugor Elbasan-Peqin.

Aksidenti ka ndodhur kur automjeti me drejtues 68-vjeçarin me iniciale F.M nga Peqini është përplasur me automjetin e 41-vjeçarit nga Maqedonia e Veriut.

“Në aksin rrugor Elbasan-Peqin, në fshatin Karinë, automjeti tip “Fiat”, me drejtues shtetasin F. M., 68 vjeç, banues në Peqin, ështe përplasur me automjetin tip “Benz”, me drejtues shtetasin I. M., 41 vjeç, banues në Maqedoninë e Veriut”, thuhet në njoftimin e policisë së Elbasanit.

Ndërkaq si pasojë e përplasjes janë dëmtuar “drejtuesi i automjetit tip “Fiat”, shtetasi F. M. dhe pasagjeri, shtetasi A. S., të cilët ndodhen nën kujdesin e mjekëve, jashtë rrezikut për jetën. Grupi hetimor po punon për zbardhjen e rrethanave të aksidentit”

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.