Aksident në aksin Rrogozhinë-Lushnjë, karrotreci përplas për vdekje 50-vjeçarin

Aktualitet | 4 vite më parë

Një aksident me vdekje është regjistruar në orët e para të mëngjesit të kësaj të hëne (10 prill) në aksin Rrogozhinë-Lushnjë. Nëpërmjet një njoftimi për mediat, Policia bën me dije se aksidenti u regjistrua rreth orës 03:00, në afërsi të fshatit Zhamë, ku automjeti tip “Karrotrec”, me drejtues shtetasin M. Ç., 27 vjeç, banues në Levan, ka aksidentuar për vdekje një 50-vjeçar ende të paidentifikuar, i cili dyshohet se ishte endacak.

Shoferi i karrotrecit është shoqëruar në ambientet e Policisë, për kryerjen e veprimeve të mëtejshme procedurale.

Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.