Aksident në aksin Shkodër-Lezhë, makina përplaset me mjetin bujqësor, 2 viktima dhe 1 i plagosur

Aktualitet | 3 vite më parë

Një aksident me pasojë vdekje ka ndodhur mëngjesin e kësaj të hënë (24 korrik) në aksin Shkodër-Lezhë.

Dy automjete janë përplasur me njëra -tjetrën, duke lënë të vdekur 2 persona dhe plagosur një tjetër. Ngjarja ndodhi rreth orës 5:00 në vendin e quajtur “Kryqëzimi i Kallmetit”.

Sipas burimeve nga policia, makina tip “Fiat” me drejtues P. M. banues në Tale, Lezhë, ka goditur nga pas karrelin e një mjeti bujqësor zetor i drejtuar nga shtetasi A. T. banues në Gocaj, Lezhë, ku si pasojë 56-vjeçari, drejtuesi i “Fiat” ka gjetur vdekjen, së bashku me M. Gj. 54 vjeç, pasagjer në makinë.

Grupi hetimor vazhdon veprimet hetimore për sqarimin e plotë të rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.