Aksident në Lushnjë, makina përplas për vdekje 65-vjeçarin

Aktualitet | 4 vite më parë

Një 65-vjeçar ka humbur jetën këtë të enjte (13 prill) në Lushnjë, si pasojë e një aksidenti.

Nëpërmjet një njoftimi për mediat, Policia bën me dije se aksidenti u regjistrua rreth orës 12:20, në vendin e quajtur “Stan Karbunarë”, ku automjeti tip “Benz” me drejtues një 60-vjeçar me inicialet A. B., aksidentoi 65-vjeçarin me inicialet H. Ç., i cili ishte duke udhëtuar me biçikletë.

Si pasojë e përplasjes, drejtuesi i biçikletës ka ndërruar jetë, ndërsa 60-vjeçari u shoqërua në ambientet e Policisë, për kryerjen e veprimeve të mëtejshme procedurale.

Grupi hetimor po punon për përcaktimin e shkaqeve të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.