Analisti Neritan Alibali i ftuar në emisionin “3D” në RTSH është i mendimit që komentet për SPAK-un që Kryeministrit Rama, bëri ditën e Kongresit të PS-së, përpiqet të frenojnë drejtimin që ka marr ky institucion.

Sepse sipas tij, duke të kemi parasysh që këtë deklaratë e bënë njeriu më i pushtetshëm në Shqipëri, shefi i ekzekutivit apo shefi i pushtetit legjislativë që ka shumicën parlamentare në Parlament duket si një kërcënim ndaj drejtësisë.

Ndaj në këtë kontekst ai theksoi se, nëse ekspertët , opinioni publik apo specialistët , organizatat apo Institucionet e ndryshme që studiojnë sistemet demokratike do ta ngrinin zërin për krijimin e një republike Republike të prokurorëve  dhe të gjykatëseve , atëherë kjo do ishte normale dhe duhet të binin kambanat e alarmit.

“Ndërsa Kryeministri ka dhe gurin dhe arrën sepse ai mund të ndryshoi ligjet ka kontrollin parlamentar ndaj gjithë institucioneve të shtetit apo kontrollin parlamentar ndaj institucioneve të drejtësisë. Dhe këto paralajmërime përpiqen të frenojnë atë drejtim që ka marr SPAK. Dua të them që sot SPAK është në mors, një palë e heroizojnë dhe pala tjetër e kriminalizon”, theksoi Alibali.

/rtsh.al/