Ambasada Amerikane reagon pas shkarkimit të Nanos: Ishte partner i fortë

Politikë | 4 vite më parë

Ambasada Amerikane në Tiranë ka reaguar pas shkarkimit nga detyra të Drejtorit të Përgjithshëm të Policisë së Shtetit Gledis Nano. Me anë të një postimi në rrjetin social Twitter, Ambasada vlerëson punën e Nanos teksa shkruan se ishte një partner i fortë i SHBA si drejtor i Policisë së Shtetit dhe drejtor i Zyrës kundër Terrorizmit.

“I shprehim vlerësimin tonë Gledis Nanos, i cili ishte një partner i fortë i 🇺🇸 si drejtor i Policisë së Shtetit shqiptar dhe më parë, si drejtor i Zyrës kundër Terrorizmit”, shkruan ambasada.

Lajmin për shkarkimin e Nanos e njoftoi Ministri i Brendshëm Bledi Çuçi. Drejtori i ri i Policisë së Shtetit nuk është emëruar ende, teksa në vend të Nanos do të jetë i komanduar nëndrejtori, Tonin Vocaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.