Arben Ahmetaj humb mandatin – Mungoi 6 muaj në Kuvend, pritet zëvendësimi

Politikë | 3 vite më parë

Ish-zv.kryeministri Arben Ahmetaj humbi sot, më 6 janar 2024, mandatin e deputetit, pas një mungese 6-mujore në Kuvend.

Sipas Kushtetutës, mandati i deputetit ndërpritet menjëherë nëse për 6 muaj nuk merr pjesë në jetën parlamentare.

Pritet që në seancën e radhës, Kuvendi të konstatojë pavlefshmërinë e mandatit dhe t’i drejtohet Komisionit Qendror të Zgjedhjeve për zëvendësim, bazuar në rezultatet e arritura në zgjedhje.

I renditur pas Arben Ahmetajt rezulton Dallandyshe Bici me 4.977 vota dhe nëse ajo nuk do të pranojë, pas saj renditet Plarent Ndreca me 4.008 vota.

Arben Ahmetaj akuzohet nga SPAK për korrupsion, por vendndodhja e tij nuk dihet, pasi rezulton të jetë larguar nga Shqipëria.

Gazetare: Denada Shkodrani

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.