Identifikimi dhe zbulimi i armëve, lëndëve narkotike dhe kartmonedhave në Pikat e Kalimit Kufitar tashmë do të realizohet më lehtë nga qentë e Policisë së Shtetit.

Këta janë katër qentë e Njësive Policore, të cilët iu nënshtruan një demostrimi praktik në trajnim nga OSBE për të identifikimin e armëve e municioneve, lëndëve narkotike dhe kartëmonedhave në pikat e Kalimit Kalimit Kufitar dhe jo vetëm.

Ilir Balla inspektor i Institutit për Përgatitjen e Qenve te Policisë se Shtetit thotë se trajnimi i qenve sjell më shumë rezultate në kryerjen e shërbimeve.

Vetëm gjatë vitit 2023 në pikat kufitare edhe me ndihmën e skanimit doganor janë sekuestruar 3 milionë euro, ndërsa janë zbuluar edhe armë e drogë.

OSBE synon që përveç trajnimit të këtyre qenve, të ndërhyjë edhe për infrastrukturën e Institutit të Përgatitjes së Qenve të Policisë sipas standardeve ndërkombëtare.

Këto deklarata u bënë gjatë një takimi me ekspertët e qenve dhe përfaqësuesve të projektit të Armëve të Vogla dhe të Lehta nga juridiksionet në Ballkanin Perëndimor si dhe përfaqësues nga Franca dhe Austria.

Gazetare: Flutura Tota

/rtsh.al/