Begaj pjesë e kurorëzimit të Mbretit Charles dhe Mbretëreshës Camilla

Politikë | 4 vite më parë

Presidenti Bajram Begaj do të jetë mes liderëve të botës në ceremoninë e kurorëzimit të Mbretit Charles III dhe Mbretëreshës Camilla.

Ambasadori i Britanisë në Shqipëri, Alastair King Smith takoi presidentin Begaj dhe praninë në këtë ceremoninë e cilëson si një dëshmi e marrëdhënies së fortë mes dy vendeve.

“Takova Presidentin Bajram Begaj përpara vizitës së tij në Britani për të marrë pjesë në Kurorëzimin e Mbretit Charles III dhe Mbretëreshës Camilla, si një dëshmi e marrëdhënies së fortë midis Britanisë dhe Shqipërisë. I lumtur që Presidenti Begaj do t’i bashkohet liderëve botërorë për të shënuar këtë ngjarje historike”, shkruan ambasadori britanik në Twitter.

Kurorëzimi i mbretit Charles III dhe mbretëreshës Camilla në Westminster Abbey do të mbahet më 6 maj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.