Bejko: Mbështetje për fermerët e Tiranës me dhoma frigoriferike falas, do të ndërtojë 3 zona të lira me 0 taksa

Politikë | 4 vite më parë

Kandidati i PD-së, për bashkinë e Tiranës, Roland Bejko, ka zhvilluar një takim me banorët e Pezë Helmës, në kuadër të zgjedhjeve vendore të 14 majit 2023.

Temat e këtij takimi kanë qenë zgjidhjet që Bejko propozon për problemin e infrastrukturës dhe ekonomisë.

“Ne do të ndërtojmë 250 km rrugë të reja për të lidhur kurorën e Tiranës me qytetin. Është e papranueshme që zona kaq pranë kryeqytetit dhe me shumë prodhimtari bujqësore, të izolohen për mungesën e rrugëve. Ne do i japim zgjidhje përfundimtare problemit të rrugëve.”- theksoi Bejko.

Ai ka premtuar se do të mbështesë fermerët e Tiranës me dhoma frigoriferike falas, në 5 tregjet e reja që do të ndërtohen gjatë mandatit të PD-së në krye të bashkisë së Tiranës.

“Ne do të ndërtojmë 3 zona të lira ekonomike në Tiranë, ku bizneset do të kenë 0 taksa.”- premtoi Bejko.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.