Jo vetëm në fushë, Jude Bellingham provon të jetë kampion edhe jashtë fushës. Gjest i jashtëzakonshëm nga ylli i ri i Real Madridit. Gjithçka ka ndodhur në Copa del Rey, në ndeshjen e fituar nga skuadra e Ancelottit ndaj Arandina. Pikërisht pranë pankinës së Blancos, një djalë shumë i ri me top filloi të dridhej për shkak të temperaturave të ftohta që karakterizuan ndeshjen e zhvilluar në kompleksin sportiv Juan Carlos Higuero.

Në atë moment, ish-lojtari i Borussia Dortmundit nuk u mendua dy herë dhe u ngrit për t’i dhënë djalit një mbulesë. Një gjest fantastik, i cili gjithashtu pasqyron vlerat e një prej lojtarëve më të mirë në botë.

Ajo që e bëri të ëmbël mbrëmjen e Real Madridit nuk ishte vetëm gjesti i Jude Bellingham, por edhe fitorja e arritur në fund të 90 minutave. Rezultati final 1-3 në Arandina, me tifozët Blancos që mundën të vlerësonin për herë të parë talentin turk Arda Güler, një fëmijë mrekulli që luajti 59 minuta dhe u zëvendësua nga Valverde.