I kthyer tashmë në traditë të përvitshme, është zhvilluar në Berat edicioni i IV-t i Çmimit Letrar “Vexhi Buharaja”.

Organizimi i tij mbahet çdo vit me rastin e rastin përvjetorit të lindjes së poetit, studiuesit dhe përkthyesit të njohur beratas.

Aktiviteti u organizua në ambjentet e bibliotekës së qytetit, që mban emrin e tij.

Morën pjesë drejtues të pushtetit vendor, studiues, profesore, intelektualë të qytetit etj. 

Në këtë konkurs konkuruan të rinj nga Shqipëria, Kosova, Mali i Zi, Maqedonia e Veriut etj. 

Konkursi u zhvillua në kategoritë: Poezi, ese e përkthime. 

Pjesë e tij u bënë 38 krijues, të cilët janë vlerësuar nga juria për nivelin e lartë të krijimtarisë.

Në përfundim, juria e drejtuar nga Prof.Ymer Ciraku, ka dhënë edhe çmimet.

Fitues në fushën e përkthimeve është përzgjedhur Granit Zela nga Durrësi. Në fushën e poezisë janë përzgjedhur Vlora Ademi, nga Kosova 
dhe Rozafa Shpuza, nga Shkodra.

/ RTSH /