Berisha akuza Ramës: Porti i Durrësit, mega-afera më e madhe në Europë! Atdheu i Ramës është Beogradi

Politikë | 4 vite më parë

“Mega afera më e madhe në Europë” e ka konsideruar kreu i Partisë Demokratike, i zgjedhur nga Komisioni i Rithemelimit, Sali Berisha marrëveshjen për Portin e Durrësit. Nga foltorja e Kuvendit, ish-kryeministri akuzoi kreun e qeverisë, Edi Rama, se po punon për interesat e Aleksandër Vuçiç.

“Dubai i Ramës në Durrës është mega-afera më e madhe në Europë që shkatërron vendin e tij për interesa strategjik të Aleksandër Vuçiç. Flamuri i tij është ai i Serbisë dhe Atdheu i tij është Beogradi”, tha Berisha.

Kundër këtij projekti u shpreh edhe Kreu i Grupit Parlamentar të PD-së, Enkelejd Alibeaj i cili e konsideroi “aferë ekonomike” me vlerë mbi 2 mld euro, ndërsa i kërkoi qeverisë të bëjë më shumë transparencë në lidhje me të.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.