Biden: Jeta do t’i rikthehet normalitetit

Botë | 6 vite më parë

Presidenti i zgjedhur i SHBA-së, Joe Biden i premtoi popullit amerikan se do ta mposhtin koronavirusin e ri (COVID-19) dhe se jeta do t’i rikthehej normalitetit.

Para “Ditës së Falënderimeve” Biden i dha mesazh uniteti popullit amerikan duke thënë se “ne jemi në luftë me virusin dhe jo me njëri-tjetrin”.

“Pandemia i ka lodhur të gjithë dhe e ka ndarë vendin. E di që mund ta mposhtim këtë virus dhe do ta mposhtim. Ju premtoj se jeta do t’i rikthehet normalitetit”, tha Biden.

Për shkak të rasteve që janë rritur në shifra rekord, Biden ka paralajmëruar popullin amerikan që të mos udhëtojë gjatë periudhës së pushimeve që fillon me “Ditën e Falënderimeve” dhe me afrimin e Krishtlindjeve dhe Vitit të Ri.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.