Bojkotohet puna në inceneratorin e Fierit, punëtorët: Kemi 5 muaj pa u paguar

Sociale | 3 vite më parë

Rreth 20 punëtorë të inceneratorit të Fierit kanë bojkotuar punën këtë të martë (30) duke bllokuar hyrjen e automjeteve që kryejnë shkarkimin e mbetjeve urbane.

Punëtorët pohojnë se kanë 5 muaj pa marrë pagat dhe disa muaj pa sigurime shoqërore. Negociatat sipas tyre me administratorin shtetëror kanë rezultuar pa sukses, ndërsa protesta vjen e përsëritur në kohë.

Bojkotimi i punës, sjell kosto të lartë për shkak të faktit se janë 6 bashki, ajo e Fierit, Patosit, Roskovecit, Lushnjës, Divjakës dhe Mallakastrës që depozitojnë mbetjet në këtë incenerator.

Ky i fundit administrohet nga shteti pasi objekti u vu nën sekuestro me vendim gjykate në kuadër të hetimeve nga Prokuroria e Posaçme Kundër Korrupsionit.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.