Të paktën 122 palestinezë humbën jetën dhe 256 të tjerë u plagosën në 24 orët e fundit në Rripin e Gazas, nga forcat izraelite.

“Okupuesit izraelitë kryen 12 masakra kundër familjeve, duke e çuar numrin toral të viktimave në 22.722 dhe të plagosurve në 58166”,  u tha në njoftimin e Ministrisë së Shëndetësisë të enklavës.

Sulmet izraelite e kanë kthyer Gazën në gërmadha, me 60 për qind të infrastrukturës të dëmtuar ose shkatërruar dhe gati 2 milionë banorë të zhvendosur, të cilët përballen me mungesë akute të ushqimit, ujit të pastër dhe ilaçeve. Konflikti i heshtur i cili nisi pas sulmit ndërkufitar i Hamasit më 7 tetor, tashmë rrezikon  të përhapet më gjerë.

Milicia Hezbollah e Libanit lëshoi orët e fundit dhjetëra raketa në veri të Izraelit duke paralajmëruar se kjo breshëri ishte përgjigja fillestare ndaj vrasjes së një gjenerali të lartë të Hamasit. Por, edhe Izraeli u kundërpërgjigj duke kryer sulme ndaj disa objekteve ushtarake të hezbollahut në Liban.

Kreu i kësaj organizate Hassan Nasrallah në një fjalim përsëriti se vdekja e Saleh Al-Arouri nuk do të mbeste pa u ndëshkuar, ndërsa paralajmëroi se njerëzit në veri të Izraelit do të jenë të parët që do të mbajnë pasojat në rast të një konflikti më të gjerë. Sekretari amerikan i shtetit Antony Blinken tashmë ka nisur një vizitën në Turqi në kuadër të turnet që po zhvillon në rajon mbi gjetjen e një zgjidhjeje. Administrata e presidentit amerikan, Joe Biden, beson se Turqia dhe të tjerët mund të kenë ndikim, veçmas ndaj Iranin dhe bashkëpunëtorët e tij, për të ulur frikën për përhapjen e konfliktit.

Gazetar: A.Mata

/rtsh/