Borrell: Të hapen negociatat me Shqipërinë dhe Maqedoninë e Veriut! Situata aktuale e paqëndrueshme, ‘dhuratë’ për Moskën

Politikë | 5 vite më parë

Përfaqësuesi i Lartë për Politikë të Jashtme të BE-së, Josep Borrell ka bërë thirrje që të hapen negociatat me Shqipërinë dhe Maqedoninë e Veriut, para përfundimit të presidencës franceze.

Deklaratën Borrell e bëri gjatë një komunikimi me mediat pas takimit të ministrave të jashtëm të BE-së në Bruksel, ku shtoi se në situatën aktuale,  me paqëndrueshmëri, një ‘jo’ për Shqipërinë dhe Maqedoninë e Veriut do të ishte në favor të Rusisë.  

“Duhet të hapim negociatat me Shqipërinë dhe Maqedoninë e Veriut para përfundimit të presidencës franceze, situata aktuale nuk është e qëndrueshme, është një dhuratë për Moskën”, ka thënë ai, shkruan TGCOM.

Kryediplomatët evropianë u mblodhën në Bruksel ku u diskutua për situatën në Ballkanin Perëndimor, në kohën kur agresioni i Rusisë kundër Ukrainës po vazhdon. E pranishme në këtë takim ishte edhe Ministrja e Jashtme, Olta Xhaçka, e cila ka bërë thirrje për mbajtjen e Konferencës së Parë Ndërqeveritare këtë qershor, pasi në të kundërt,  sipas saj, dështimi do të ndikojë negativisht në besueshmërinë e BE-së dhe situatën në Ballkanin Perëndimor.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme