Bregdeti i Godullës, turistët: Shqipëria, vend që mund të vizitohet i gjithi vetëm me një rulotë

Aktualitet | 3 vite më parë

Bregdeti i Godullës përgjatë Adriatikut është një nga destinacionet që ka tërhequr vëmendjen e disa vizitorëve të huaj.

Disa turistë spanjollë me rulotën e tyre, kanë bërë një ndalesë në këtë zonë, e cila nuk është shumë e frekuentuar.

Ky grup turistësh ka shijuar edhe natyrën e mrekullueshme ndërmjet maleve dhe përgjatë shtrirjes së lumit të pastër që buron nga zona turistike e Qafështamës, por zona turistike e Thethit i ka mahnitur.

Pavarësisht impaktit pozitiv që u ka krijuar natyra këtu në Shqipëri, ata shprehen kritikë për çmimet e disa produkteve bazë.

Turistët spanjollë përbëjnë një përqindje të konsiderueshme të vizitorëve të huaj që vijnë në Shqipëri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.