Çorovodë/ Akuzohet se shiste armë për 50 mijë lekë, ndalohet efektivi

Aktualitet | 3 vite më parë

Një efektiv policie është arrestuar këtë të enjte (25 maj) në qytetin e Çorovodës, i dyshuar se shiste armë. Në një njoftim për mediat, Agjencia e Mbikëqyrjes Publike bën me dije se inspektori me inicialet D.N. u ndalua pas denoncimit të një gazetareje, se në qytetin e Çorovodës ai shiste armë kundrejt vlerës monetare prej 50 mijë lekësh.

Pas verifikimeve të kryera janë administruar aktet procedurale si dhe prova materiale, 1 armë zjarri e llojit automatik.

Efektivi akuzohet për veprën penale “Mbajtja pa leje, prodhimi i armëve shpërthyese dhe municionit”. Materialet procedurale iu dërguan Prokurorisë pranë Gjykatës së Shkallës së Parë të Juridiksionit të Përgjithshëm Berat.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.