Dani Alves, masakrohet statuja e tij

Sporte të tjera | 3 vite më parë

Dani Alves është gjithnjë e më shumë në kaos. Braziliani është ende në burg në Barcelonë për gjykimin në vazhdim për sulmin e dyshuar seksual. Pritet që së shpejti, Gjykata të marrë një vendim përfundimtar për çështjen e tij. Ndërkohë, pasi e la edhe ish-bashkëshortja Joana Sanz (edhe pse u fol për një rikthim të mundshëm), po largohen edhe mbështetësit e tij.

Një shembull i kësaj është statuja e tij në Bahia, Brazil, e cila u vandalizua. Një qese plehrash iu vendos mbi kokë duke e mbështjellë me shirit ngjitës. Vëllai i ish-lojtarit të Barcelonës ndërhyri në mbrojtje të tij në rrjetet sociale: “Jam këtu për t’ju kujtuar se vëllai im është në pritje të gjyqit. Pyetja është: po sikur të provojë pafajësinë e tij? Po sikur të shpallet i pafajshëm? Çfarë do të bëjmë?”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.