Dashamir Shehi është kundër federatës së opozitës, kritik ndaj Berishës dhe aksionit në Kuvend

Politikë | 3 vite më parë

Dashamir Shehi është skeptik se Federata e krijuar nga disa parti opozitare, është lëvizja e duhur politike për bashkimin e opozitës.

Në emisionin “Ekspres” të gazetarit Nolian Lole në RTSH, Shehi thotë se për këtë arsye nuk është bërë pjesë e Federatës, ndërsa ka bindjen se shpresë për të djathtën janë elitat e reja në lidership.

Kritik është Shehi edhe sa i takon aksionit aktual opozitar në Kuvend. Ai e barazon me bojkotet e mëparshme që sipas tij nuk kanë qenë produktive.

Ndërsa opozita po përgatitet për nisjen e protestave, Dashamir Shehi thotë se nuk ka frymë për mbajtjen e tyre.

Ai ka bindjen se normalizimi i jetës parlamentare, angazhim i faktorëve politikë në përmirësimin e kodit elektoral dhe garantimi i zgjedhjeve të lira duhet të jenë prioritet e opozitës.

Gazetare Anisa Kadesha

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.