Këshilli i Sigurimit të OKB-së ka refuzuar kërkesën e Rusisë për hetimin e shpërthimeve në tubacionet që lëvizin gazin natyror nga Rusia në Evropë nën Detin Baltik.

Ndonëse Rusia, Kina dhe Brazili votuan në favor të kërkesës ruse, anëtarët e tjerë të Këshillit të Sigurimit abstenuan ose thanë se një hetim tjetër ishte i panevojshëm. Dhe që një rezolutë të miratohet nga Këshilli i Sigurimit i OKB-së, duhet të sigurojë një minimum prej 9 votash “pro” në dhe asnjë veto nga një prej anëtarëve të përhershëm, sikurse janë Shtetet e Bashkuara, Rusia, Kina, Britania dhe Franca.

Zëvendësambasadori i SHBA-së, Robert Wood , tha se nuk kishte nevojë për një hetim të OKB-së kur hetimet nga Suedia, Danimarka dhe Gjermania “po vazhdojnë në një mënyrë gjithëpërfshirëse, transparente dhe të paanshme”.

“Ishte një përpjekje për të diskredituar punën e hetimeve kombëtare në vazhdim dhe për të paragjykuar çdo përfundim që ata arritën që nuk përputhen me narrativën e paracaktuar dhe politike të Rusisë. Nuk ishte një përpjekje për të kërkuar të vërtetën”, tha ai, raporton The Guardian.

Tubacionet, të njohura si Nord Stream 1 dhe Nord Stream 2, janë në pronësi të shumicës nga gjigandi shtetëror rus i energjisë Gazprom.

Nord Stream 1 transportonte gaz rus në Gjermani derisa Moska ndërpreu furnizimet në fund të gushtit 2022. Nord Stream 2 nuk hyri kurrë në shërbim pasi Gjermania pezulloi procesin e saj të certifikimit pak përpara se Rusia të pushtonte Ukrainën më 24 shkurt 2022. Shpërthimet në të dyja ndodhën në shtator 26.

/rtsh.al/