Dëmtohet Nadal, heq dorë nga “Indian Wells” e “Miami Open”

Sporte të tjera | 4 vite më parë

Rafael Nadal ka hequr dorë nga turnetë Masters 1000, Indian Wells e Miami për shkak të një dëmtimi. Tenisti spanjoll nuk ka garuar që nga humbja në rundin e dytë të Australian Open, të pësuar muajin e kaluar.

Në duelin me Mackenzie McDonald, 36-vjeçari u dëmtua në kofshë dhe mjekët lajmëruan se duhej një periudhë prej 6-8 javësh rikuperimi.

“Ne urojmë që Rafa të vazhdojë kështu periudhën e rikuperimit dhe shpresojmë që ta shohim të kthehet në turneun tonë vitin tjetër”, deklaroi drejtori i “Indian Ëells”, Tommy Haas.

Spanjolli ka triumfuar në garën e Californias, e cila do të nisë javën tjetër, në vitet 2007, 2009 e 2013, ndërsa 12 muaj më parë u mund në finale nga amerikani Taylor Fritz.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.