Vijon protesta e studenteve të Fakultetit të Mjekësisë kundër pedagogut të Fakultetit të Mjekësisë. Një prej protestuesve, Blenda Asllani në një lidhje Skype me emisionin “Jetë Shqiptare” deklaroi se protesta e tyre do të vijojë, pasi Këshilli i Etikës nuk ka marrë ende vendim për përjashtimin e pedagogut të denoncuar për ngacmim seksual nga 27 studente.

“Po mbahet mbledhja e Këshillit të Etikës. Meqë vendimi nuk po merret, ne kemi vendosur të përdorim këto forma të protestës. Pas meje janë dhe forcat e shtuara të rendit.

Për të dytën herë pedagogu ka dalë para mediave dhe ka folur.

Mbledhja ka përfunduar pa asnjë vendim dhe kjo ka ngjallur revoltë për të kërkuar vendim të drejtë. Besojmë se kërkesat tona janë të bazuara për të kërkuar hapësira të sigurta për vajzat dhe gratë në universitetin e Prishtinës.

Këto hapësira na cenohen për aq kohë sa Këshilli i Etikës nuk e përjashton profesorin e denoncuar 27 herë për ngacmim seksual”, u shpreh Hasani.

Kjo e fundit akuzoi Këshillin e Etikës si jo të drejtë dhe jo funksional.

“Këshilli i Etikës ka histori me trajtim joserioz të rastit. Nuk është rasti i parë që nuk e  trajton me joserioz.

Janë jo profesional dhe jo funksional. Duhet që rasti të bëhet shumë mediatik që të marrin një vendim”, tha ajo.

/rtsh.al/