Lajmet e rreme dhe keqinformimi popullatës ka patur një rritje të ndjeshme në rajon duke e cilësuar si një shqetësim. Organizata “Faktoje” ka organizuar konferencën e vërtetimit të fakteve, ku 6 organizata nga Ballkani Perëndimor kanë prezantuar gjetjet për burimin e dezinformimit në rajon.

Shefi i seksionit politik në delegacionin e Bashkimit Europian, Alexis Hupin u shpreh se BE po e mbeshtet luftën ndaj dezinformimit, por një rol kyç në parandalimin e saj luan shoqëria civile dhe media. 

Drejtoresha e Platformës “Faktoje”, Klodiana Kapo, sqaroi se në Shqipëri mediat online janë burimi kryesor i keq informimit dhe kjo ndodh për shkak të titujve bombastik dhe rritjes së numrit të klikimeve.

Për të dytin vit radhazi, organizata “Faktoje” ka ndarë dhe 4 çmimet “Fatos Baxhaku“ të cilat inkurajojnë gazetarinë profesionale të bazuar në fakte.

Gazetare: Keti Toroveci

/rtsh/