Dhuna në Komisionin e Medias, Etika përjashton 5 ditë Nallbatin e Dogjanin, 10 ditë Nokën e Bardhin

Politikë | 3 vite më parë

Sekretariati për Procedurat, Votimet dhe Etikën ka përjashtuar për 5 ditë nga Parlamenti deputetët Bledjon Nallbati dhe Asllan Dogjani, si dhe me 10 ditë deputetët Flamur Noka dhe Gazment Bardhi për dhunën në Komisionin e Medias.

Në mbledhjen e 17 janarit të Komisionit Parlamentar të Medias, deputetët demokratë kanë debatuar me tone të ashpra me kryetaren e Komisionit, Flutura Açka, ku arritën deri në pikën sa i hoqën me forcë mikrofonin.

Kjo episod u dënua nga deputetë të tjerë demokratë, mazhoranca dhe Aleanca e Grave Parlamentare të cilët akuzuan Bardhin dhe Nokën për dhunë ndaj Açkës, duke e konsideruar të papranueshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.