Digjen sërish mbetjet në Grabian, banorët në protestë, pengojnë makineritë

Sociale | 3 vite më parë

Grumbullimi i mbeturinave në Grabjan të Divjakës, ka ngritur banorët në protestë. Ata kanë bllokuar makineritë e punës , duke mos lejuar shkarkimin e plehrave të tjera.

Sipas banorëve Bashkia Lushnjë dhe Divjakë vazhdon ti depozitojë plehrat në këtë fushë e cila u mbyll dy vite më parë duke i dërguar në inceneratorinë Fierit.

Prej disa javësh mbeturinat e dy bashkive po hidhen përsëri në këtë vend, duke sjell shqetësime shëndetësorë për te gjithë zonën sepse u vihet edhe flaka.

Administratori i Grabjanit, Fred Rista pohon se ka kapur në flagrance mjetet e bashkisë Lushnjë duke hedhur mbeturinat në këtë fushë.

2 vjet më parë për shkak të protestave të vazhdueshme të banorëve të cilët kanë jo më shumë se 50 metër larg banesat e tyre, fusha e plehrave të Grabjanit u mbyll.

Gazetar Norel Zaimi

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.