Dosja “Partizani”, Jamarbër Malltezi paraqitet në SPAK: S’ka asnjë dëm. Prona nuk mu kthye mua, por pronarëve

Aktualitet | 3 vite më parë

Jamarbër Malltezi është paraqitur sot në SPAK, ku pritet të merret në pyetje lidhur me dosjen “Partizani”. I shoqëruar nga policia pasi ndodhet nën masën e sigurisë “arrest shtëpi”, maltezi foli para SPAK ku tha se për çështjen nuk ka asnjë dëm dhe ish-kompleksit Sportiv Partizani nuk iu kthye atij por pronarëve të tokës.

“Lolot e Ramës i kërkojnë llogari si ju kthye prona 100 familjeve. U vërtetua se toka ishte e pronarëve familje tiranase. Klubi Partizani nuk ju kthye Malltezit por 100 familjeve pronare. Në këtë çështje edhe vetë PS nuk e pranon që nuk ka dëm. Po burgosin njerëz me shfaqe kur nuk ka dëm. Shteti ka përfituar 800 mijë dollarë nga privatizimi”, tha Malltezi.

Dhëndri i Sali Berishës, Jamarbër Malltezi do të merret në pyetje nga prokurorët e SPAK si person në hetim mbi ligjshmërinë e privatizimit të ish-kompleksit Sportiv Partizani në Tiranë, që çoi në ndërtimin e një kompleksi pallatesh.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.