Drogë, euro dhe shufra ari-Në pranga kryebashkiakja franceze dhe 2 vëllezërit e saj, kapen me 70 kg kanabis

Botë | 3 vite më parë

Jamilah Habsaoui, kryebashkiakja e Avalonit është vendosur në pranga së bashku me 2 vëllezërit e saj pasi akuzohen për trafik droge.

Pas një hetimi që zgjati prej javësh, policia ka bastisur shtëpitë e tyre ku gjeti 70 kilogramë drogë e llojit kanabis.

Sipas prokurorisë franceze shtëpia e kryebashkiakes, bashkia dhe farmacia ku punonte Habsaoui janë bastisur gjithashtu. Pas kontrolleve të shumta janë gjetur dhe sekuestruar 70 kg kanabis.

Habsaoui dhe dy nga vëllezërit e saj ishin në mesin e shtatë personave të arrestuar, sipas prokurorit i cili shtoi se pjesë të tjera të hetimit kishin zbuluar 983 gramë kokainë, 7 mijë euro para të gatshme dhe rreth 20 shufra ari.

Operacioni u krye në kuadër të një fushate mbarëkombëtare për të shtypur tregtinë në rritje të drogës në qytetet franceze.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.