Durrës, operacione shpëtimi të policisë kufitare

Aktualitet | 3 vite më parë

Shërbimet e Policisë Kufitare në Durrës njoftuan se kanë shpëtuar 4 pjesëtarë të një familjeje, mes tyre 2 fëmijë të mitur, pasi mjeti lundrues (varkë plastike) me të cilin po lundronin për qëllime argëtimi, kishte pësuar defekt.

Varka me katër pjestarët e familjes ndodhej në Gjirin e Durrësit kur mjeti lundrues i policisë pas një operacioni shpëtimi, i ka nxjerrë
familjarët në breg, në gjendje të mirë shëndetësore.

Në një tjetër operacion shpëtimi Shërbimet e Policisë Kufitare në Durrës kanë shpëtuar një person që po lundronte me Jet Ski i cili kish pësuar defekt.

Policia Kufitare fton qytetarët, turistët dhe pushuesit që të telefonojnë në numrin pa pagesë 112, për çdo rast nevoje për ndihmë.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.