Durrësi përgatitet për sezonin, plazhet po pastrohen nga leshterikët dhe mbetjet

Sociale | 3 vite më parë

Zona e Plazhit në Durrës po përgatitet për sezonin turistik. Tashmë ka përfunduar investimi i fazës së parë nga sektori Iliria deri pranë Rrotës së Kuqe, për ndërtimin e shëtitores së re dhe mbjelljen përgjatë saj të 110 pishave të buta.

Banorët e plazhit e vlerësojnë investimin që kap shifrën 285 milionë lekë duke e cilësuar si ndërhyrjen më të mirë që është bërë gjatë viteve të fundit.

Prej disa ditësh po pastrohet zona nga leshetrikët. Drejtori i ndërmarrjes komunale të Plazhit Alfred Dhuli thotë se “pas këtij procesi do të vazhdohet me frezimin e rërës dhe dezinfektimin e saj”.

Gjatë muajve të verës pritet të ketë një fluks të madh pushuesish dhe menaxhimi i mbetjeve urbane nga ana e ndërmarrjes komunale është menduar që të realizohet në bashkëpunim me firmat private duke i larguar ato 3-4 herë në ditë nga zona e plazhit.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.