Pavarësisht sfidave dhe vështirësive të ndikuara nga presionet në tregjet ndërkombëtare, si dhe një kurs këmbimi i pafavorshëm, gjate muajit Maj eksportet bujqesore u rritën me 26% në sasi dhe 24 në vlerë krahasuar me majin e vitit 2022.

Ky është një rikthim i rritjes dyshifrore të eksporteve e produkteve bujqësore për të tretin muaj radhazi, duke bërë që i gjithë pesëmujori të qëndrojë me tendencë pozitivë. 

Statistikat zyrtare konfirmojnë trendin në rritje të qëndrueshme të këtij sektori, që ka nisur prej fillimit të këtij viti. Ministrja Krifca theksoi me këtë rast se, rritja e eksporteve ka mundësuar zgjerimin e prodhimit bujqësor vendas, falë përpjekjeve dhe punës së palodhur të fermerëve, por edhe falë mbështetjes së qeverisë.

Në maj sektori i bujqësisë iu rikthye rritjes së shpejtë të eksporteve, që u zgjeruan me 24.6%.

/ rtsh /