Edicioni i tretë i “Country Fest”, atmosfera e fshatit në qytet, protagonistë artistët e vegjël

Kulturë | 3 vite më parë

Muzikë, buzëqeshje dhe entuziazëm. Në këtë mënyrë u përcoll edicioni i tretë i “Country Fest” në Lezhë, një event muzikor me protagonist fëmijet.

Talentet e vegjël kthyen në vëmendje artin dhe muzikën country duke krijuar një atmosferë argëtuese jo vetëm për protagonistët, por edhe për vetë pjesëmarrësit e shumtë që e ndoqën nga afër.

Country Fest sjell atmosferën e fshatit në qytet, ndaj dhe fëmijët duhet të duan sa më shumë fshatin, thotë përgjegjësia e Qendrës Kulturore Gjergj Lacaj në Lezhë, Mimoza Xhafa.

E gjithë atmosfera, skenografia dhe veshjet e fëmijëve ishin një ansambël që prezantonte më së miri një mënyrë të re për të aktivizuar fëmijët dhe për t’i argëtuar ata. Country Fest” zgjati për rreth 1 orë duke i dhënë qytetit mjaft gjallëri në këto ditë të nxehta vere.

Gazetar Norel Zaimi

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.