Eksportet arritën 221 miliardë lekë në fund të tetorit

Ekonomi | 6 vite më parë

Në dhjetëmujorin e 2020-s eksportet e mallrave arritën vlerën 221 miliardë lekë, duke u ulur me 12,2%, krahasuar me një vit më parë dhe importet e mallrave arritën vlerën 488 miliardë lekë, duke u ulur me 9,7%, krahasuar me një vit më parë.

INSTAT publikoi sot raportin mbi tregtinë e jashtme për 10-mujorin e këtij viti.

Sipas INSTAT, deficiti tregtar arriti vlerën 267 miliardë lekë, duke u ulur me 7,6%, krahasuar me të njëjtën periudhë të 2019.

Grupet që kanë ndikuar negativisht në uljen vjetore të eksporteve, janë ai i “tekstile dhe këpucë” me -6,2%, “minerale, lëndë djegëse, energji elektrike” me -3,8%, “materiale ndërtimi dhe metale” me -2,3%.

Në ndryshimin vjetor të eksporteve ka ndikuar pozitivisht grupi “ushqim, pije, duhan” me +1,1%.

Grupet që kanë ndikuar neativisht në uljen vjetore të importeve, janë “minerale, lëndë djegëse, energji elektrike” me -4%, “tekstile dhe këpucë” me -2,2%, “makineri, pajisje, pjesë këmbimi” me -1,5%.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.