Mesa duket, këngëtarja me origjinë shqiptare, Dua Lipa, në pushime që po bën në Shqipëri, nuk po shijon vetëm bregdetin e mrekullueshëm të Jonit, por edhe tingujt e muzikës tradicionale shqiptare. 

Mbrëmjen e së premtes, Dua përpos disa fotove me mbishkrimin “energjia këtë verë”, ka ndarë për miliona ndjekësit e saj në rrjetet sociale edhe një video, ku shihet duke kërcyer me shami dhe me një gotë në kokë, këngën e famshme popullore “Hajde lujm qyqek”. 

Kujtojmë se kjo është hera e tretë që këngëtarja viziton Jugun e Shqipërisë, ku fillimisht qëndroi disa ditë me familjen e saj, udhëtoi më pas në Greqi, dhe u rikthye sërish për t’ia prezantuar partnerit të saj Romain Gavras.

Padyshim, me këtë promovim që Dua po i bën Shqipërisë dhe traditave të saj tek afro 90 milion ndjekësit e saj virtualë, po kthehet në një nga ambasadoret më të rëndësishme të kulturës shqiptare kudo në botë. 

Gazetare Ornela Ceka

/ rtsh /