Federer: Ky turne më mungon shumë, dua të jem aty vitin tjetër

Roger Federer pranon se të mos luajë në grand slam të Wimbledon këtë vit e ka mërzitur shumë. Ky është turneu i tij i preferuar, aty ku zvicerani ka triumfuar 8 herë në karrierën e tij, ndërkohë që në total ka fituar 20 grand slam.
Gjithsesi, koronavirus bëri që organizatorët e turneut londinez ta anullojnë atë, ndërsa vetë Roger të “dorëzohet”, duke zhvilluar një operacion të dytë. Numri 4 në botë pritet të rikthehet në fushë në janar të 2021-shit.
“E pranoj që Wimbledon më mungon shumë. Për këtë arsye po punoj fort, që të jem aty vitin tjetër. Unë po rikuperoj dhe shpresoj në janar të jem gati. Në Wimbledon kam shumë kujtime dhe dua t’i përjetoj sërish vitin tjetër”, tha zvicerani.
“Kam ende një rrugëtim të gjatë deri në rikthimin në fushë, por gjërat po ecin mirë. Nuk dua të nxitohem, kam kohë, ndërkohë që deri në janar situata mund të ndryshojë sërish. Ndaj dua të jem gati për vitin tjetër”, tha Federer.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




