Për 4 netët me radhë Pallati i Kongreseve, i cili është kthyer në një simbol të kulturës muzikore, u shndërrua në qendrën e vëmendjes ku artistë të shumtë u ngjitën në skenën e tij për të interpretuar live me orkestrën e RTSH-së në edicionin e 62 të këngës.

Këtë vit, një nga yjet që ka ndritur në rolin e prezantueses ishte Adriana Matoshi, aktorja dhe deputetja e njohur nga Kosova. Ajo bëri një paraqitje të shkëlqyer gjatë netëve  të festivalit, ne një status te gjate ne rrjetet sociale  aktorja kosovare tregon  emocionet qe përjetoi me drejtimin e festivalit te 62.

Ndër të tjera ajo shprehet më duhet ta them hapur se këto 4 netë  të festivalit dhe ditët e provave  kanë qenë një shkollë e përshpejtuar dhe e ngjeshur e të gjitha arteve qe kam besuar se i zotëroj. Duhet ta dimë se përvoja e festivalit është plotësisht diçka tjetër që nuk është e krahasueshme me asnjë nga punët e tjera të një artisti.

“Unë këto javë u rrita për shumë vite faleminderit RTSh faleminderit Shqipërisë“, përfundon statusin e saj aktorja Adriana Matoshi.

/RTSH/