Grupe folklorike, këngëtarë dhe valltarë morën pjesë në koncertin seleksionues në Teatrin Skampa për të përfaqësuar më pas qarkun e Elbasanit në Festivalin Folklorik Kombëtar që do të mbahet në Gjirokastër.

Në skenën e këtij aktiviteti u sollën vlerat e folklorit, këngëve dhe valleve popullore, si dhe veshjeve tradicionale të Shqipërisë së Mesme.

Trupat e se cilës krahinë performuan  përpara një jurie të përzgjedhur nga komisioni artistik I ardhur nga ministria e kulturës.

Sakaq drejtori i kulturës në qarkun e Elbasanit Blendi Gremi ndër të tjera u shpreh i emocionuar se një pjesë e pjesmarrësve i takojnë brezit të ri.

Ndërsa etnologu Thanas Meksi evidentoi faktin se Qarku i Elbasanit ka një pasuri të vyer folklorike dhe në kompeticionin e Gjirokastrës do të përfaqësohet denjësisht.

Festivali Folklorik Kombëtar rikthehet në qytetin e Gjirokastrës pas 8 vitesh ndërsa edicioni i fundit i tij është organizuar në vitin 2015.

/RTSH/