Ministrja e Punëve të Jashtme, Olta Xhaçka, ka përshëndetur anëtarësimin e Finlandës në NATO. Përmes një postimi në rrjete sociale, Xhaçka shkruan se pas Finlandës, mirëpret që edhe Suedia të jetë pjesë e Aleancës, duke e bërë NATO-n më të fortë.

“Finlanda zyrtarisht pjesë e NATO-s. Ky është një 74-vjetor historik për Aleancën tonë. Nga anëtarësimi i Finlandës në NATO përfitojmë të gjithë ne, duke e bërë Finlandën më të sigurtë dhe NATO-n më të fortë. Mirëpresim që po ashtu së shpejti edhe Suedia të jetë pjesë e Aleancës”, shkruan ministrja krahas fotove, nga ceremonia. 

Finlanda është bërë këtë të martë anëtari i 31-të i NATO-s. Vendi nordik aplikoi për anëtarësim në aleancën më të madhe ushtrake në botë pasi Ukraina u pushtua nga Rusia. Anëtarësimi i vendit nordik dyfishon kufirin e Rusisë me aleancën më të madhe të sigurisë në botë. Me këtë të fundit Finlanda ndan një kufi prej 1340 kilometrash. 

Bashkë me Finlandën, majin e vitit të shkuar, aplikoi edhe Suedia, por Turqia po bllokon anëtarësimin e saj mbi bazën e pretendimeve se po mbështeste terroristë.

/rtsh.al/