Fjalimi i Bajden, reagon Tramp: Polarizues dhe i mbushur me urrejtje

Botë | 3 vite më parë

Ish-Presidenti Donald Tramp (Trump), e konsideroi fjalimin e Xho Bajden (Joe Biden) për gjendjen e Bashkimit si polarizues dhe të mbushur me urrejtje.

Tramp shprehet se Bajden nuk do e rregullojë kurrë emigracionin ndërsa paralajmëroi rritje të niveleve të krimeve.

“Ai duket shumë i zemëruar kur flet, gjë që është një tipar i njerëzve që e dinë se po e ‘humbin’. Zemërimi dhe të bërtiturat nuk janë të dobishme për të bashkuar vendin tonë! Ky ishte një fjalim i zemëruar, polarizues dhe i mbushur me urrejtje.

Ai mezi përmendi emigracionin, ose kufirin më të keq në Historinë e Botës. Ai nuk do ta rregullojë kurrë Emigracionin, as nuk dëshiron. Ai dëshiron që vendi ynë të përmbytet me emigrantë. Krimi do të rritet në nivele të paparë më parë dhe po ndodh shumë shpejt!”, tha Tramp.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.