Flamurtari prezanton blerjen e radhës

Futboll Vendi | 3 vite më parë

Flamurtari vazhdon që të përforcojë organikën në këtë sesion të merkatos. Klubi vlonjat ka zyrtarizuar pak minuta më parë blerjen e mbrojtësit lituanez Justinas Janusevskis.

29-vjeçari luan si mbrojtës qendre dhe është aktivizuar me disa skuadra të ndryshme në kampionatin lituanez, madje ka luajtur edhe 3 ndeshje me kombëtaren e Lituanisë.

Pas Sebastián La Torres, Gersi Diamantit, Arton Podrimcakut dhe Idriz Bathës, lituanezi Janusevskis është afrimi më i fundit në merkaton e janarit te skuadra vlonjate.

Kujtojmë që Flamurtari është një nga skuadrat pretendente për t’u ngjitur në Superiore dhe aktualisht qëndron në vendin e 4-t në renditjen e Kategorisë së Parë me 30 pikë, 9 më pak se kryesuesit e Bylisit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.