Gara e Çmimit më Madh të Bahreinit zhvillohet sot në orarin e drekës dhe të gjithë të apasionuarit e Formula 1 kanë mundësinë ta ndjekin në RTSH 1 HD duke filluar nga ora 14.40. Natyrisht përpara garës ka një analizë jo vetëm të këtij sezoni por edhe sezoneve të shkuara për këtë garë dhe pilotët që pritet të fitojnë. Dy linjat e para të startit këtë radhë janë “pronë” e Mercedezit (linja e parë) dhe e Red Bullit (linja e dytë). Edhe gjatë provave të lira, edhe gjatë atyre zyrtare, Mercedezi është shfaqur shumë më mirë se makinat e tjera, por Verstappen e tregoi edhe në kualifikuese që mund të jetë një surprizë e bukur. Sa i përket makinave Ferrari, tashmë nuk është më lajm se ato as nuk renditen në 10 makinat e para në gara të ndryshme. Sebastian Vettel do të niset nga vendi i 11-të, dhe shoku i tij i ekipit, Leclerc nga vendi i 12-të. Duke përfshirë edhe këtë garë mbeten edhe 3 Çmime të Mëdha këtë sezon të Formula 1