Fotot ekskluzive/ Zjarr në një pallat përballë ‘Sami Frashërit’, rrezikohen banesat

Aktualitet | 3 vite më parë

Një zjarr i rënë në një apartament në Rrugën ‘Çerçiz Topulli’ në Tiranë, përballë gjimnazit ‘Sami Frashëri’, ka rrezikuar jo vetëm apartamentet ngjitur, por edhe pallatin.

Janë të paqarta shkaqet se përse nisi zjarri, por banorët kanë dalë të alarmuar nga pallati. Nga pamjet ekskluzive që ka rtsh.al, shihet flaka që del nga ballkoni, si dhe shtëllunga të mëdha tymi.

Në vendngjarje kanë shkuar menjëherë shërbimet zjarrfikëse, të cilat mësohet se kanë arritur fillimisht të venë në kotroll zjarrin dhe më pas ta shuajnë atë.

Banorët e pallatit janë ende jashtë dhe dhe po presin që policia dhe zjarrfikësit tu japin leje për të hyrë në banesat e tyre, si dhe për të evidentuar dëmet e mundshme të shkaktuara nga flakët. Ndërkohë, një grup hetimor ka nisur nga hetimet për të nxjerrë shkaqet e rënies së zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.